Градоначалникот на општина Чаир, Изет Меџити, информираше дека е завршено асфалтирањето на улицата „Фан С. Ноли“, инвестиција што ја подобрува патната инфраструктура и ја зголемува безбедноста во сообраќајот за жителите, пишува во денешното соопштение на локалната самоуправа.
– Секоја завршена улица е чекор кон пофункционален и побезбеден Чаир за граѓаните. Со вакви инвестиции продолжуваме да го подобруваме квалитетот на животот во секое маало – се наведува во пишаната изјава на Меџити.
Како што се истакнува во соопштението, Општината останува посветена на реализација на инфраструктурни проекти што секојдневно го подобруваат животот на граѓаните.
