„Алкалоид” и Фондацијата „Трајче Мукаетов” со донација од 170.000 евра за болницата во Кавадарци.Просторот од над 350м2, кој речиси три децении стоел незавршен, како што се посочува, денеска официјално беше отворен. Новото одделение е изведено во согласност со сите современи стандарди и прописи за здравствени објекти и се состои од дел за престој на пациентите, дел за интензивна нега и дел за медицински персонал.
„Иако денешниот повод за посета е пуштање во работа на само еден оддел од оваа болница, која претставува исклучителен пример за функционирање на јавното здравство, ние како компанија ќе ја продолжиме нашата поддршка тука во Кавадарци.“ – рече Живко Мукаетов – Генерален директор на „Алкалоид“.
Во изминатите три години, болницата во Кавадарци е кадровски зајакната со вкупно 86 лица. Оваа здравствена установа опслужува близу 100.000 граѓани од повардарискиот регион и има висок степен на експертиза во повеќе специјалистички области, велат од „Алкалоид АД Скопје”.
