Трет ден жителите од кичевската населба Прилепска се борат со надојдените води од Зајашка река која им ги поплави огништата. Располани буквално покрај самата река,трошните куќи се под вода.Уништена им е целата покуќнина, а веќе трет ден се со истите алишта на себе.Немаат каде да седнат,а камоли да преноќат. Наместо столици,за седење користеле канти. Иако состојбата е сеуште критични бидејќи постојано врне, дел од 120-те жители кои беа примевремено евакуирани во спортската сала на свој ризик, почнале да се враќаат во поплавените домови.Тие очајни,молат за помош.
-“Еден апел до сите граѓани на Кичево,без разлика на вера и нација,молиме за помош.Кој колку што може,јорганче, ќебе кауч. Овде состојбата е моментално катастрофална,ова ми е се од куќа извадено.Сношти и вчера малку зачистивме со жената ама водата еве ја пак дојде.Значи овде не се живее,овде повеќе живот нема; -Се враќаат горе, а реката пак се крева. Уште нема услови каде да се спие,се е растурени попаднато.Фрижидери,машини каучи се; -Едни се вратени за да чистат, ете чадат оџаците,други не се вратени,ви кажувам реално.Ене ја сопругата моја е горе,таа има тромбоза и јас сум половина човек,опериран сум од двете страни од бубрезите, ама немам никакви услови”-велат жителите од населбата “Прилепска”
Жителите од погодената населба стравуваат дека нивото на Зајашка река повторно би можело да се зголеми како пред два дена ,кога како што тврдат водата за миг надошла и го поплавила куќите,оставајќи ги метар и пол под вода.
Поради лошите време од општина Кичево им соопштиле дека во среда ќе се изврши увид на оштетените објекти.Во моментов нема услови за пристап со механизација,жителите на располагање ја имаат спортската сала “Христо Узунов“ каде два пати во денот доаѓаат и медициски екипи кои вршат прегледи на оние кои потреба од здравствена помош.Најважно е луѓето да бидат згрижени и безбедни, велат од општината.
