Жителите од кичевската населба“Прилепска ” се вратија дома,а локалната власт бара начин како да се справи со поплавувањето на куќите кои на диво се изградени покрај самата река. Со нормализирањето на водостојот и повлекувањето на водата од надојденатa Зајашка река, евакуираните жители заминаа од спортската сала “Христо Узунов” каде што беа згрижени една недела.Се вратија во трошните и оштетени куќи, каде од некогашниот дом останале само влажни ѕидови и кал до глуждови. Поплавата зад себе остави целосно уништена покуќнина – од облека и обувки, до електрични апарати. Во дворовите сè уште има тиња и отпад, а децата, облечени во тенка облека, се валкааат низ калта. Дел од дечињата се болни,а условите во кои престојуваат дополнително го зголемуваат ризикот од инфекции. Жителите велат дека немаат каде да одат и дека се принудени да се вратат во небезбедни објекти, и без основни услови за живот.
–“ Моментално се вративме дома,ама состојбите се малку критични уште. Уште не е исчистено,уште не е исушено чекаме овие денови да се исуши и да видиме што и како;-Немам ништо покуќнина дома,нити каучи немаме каде да седиме на цименто спиеме; -Сами си направивме дупки во ѕидовите со црево самите ги миевме.Се што имавме внатре во куќите се е запустено. Ни кебиња, ни јоргани, ни каучи, ни фрижидери, ни перални ништо пусто е све.Овде не се живее, еве влезете во куќите се е влага.Све вода е, сношти спиев во вода соси деца;-Моментално е болно детево,овде сме сите поплавени се испоболија,и како е сега ?Па не е баш добар; -Овде вака фала му на Господ што немаше некоја жртва”- велат мештаните
Во спортската сала остана само една жена која нема каде да оди,водата однела се што имала.
“ Чекаме од социјално да одлучат каде ќе ме носат,немам јас ништо све е уништено кај мене,иначе ќе се вратев”-вели оштетената жена
Од Општина Кичево прават проценки на штетите и се бараат решенија за дислокација и згрижување на погодените семејства.
“Ние сме во фаза на изработка на проект во овие два и кусур месеци откако сум дојден како градоначалник,веќе почнавме со изработка на проект за комплетно уредување на речното корито за да немаме повеќе вакви поплавувања и несреќни случаи.Бидејќи тие куќи се дивоградби направени се на имот на Република Македонија кој што е многу блиску до реката.”-вели градоначалникот на Кичево, Александар Јовановски
Јовановски како што рече, се прават напори да се оспособат 30-тина социјални станови во кои би се сместиле околу 200 жители кои се поплавуваат при секое покачување на водостојот.
