Итната медицинска помош со полни раце работа. За време на пеколниот викенд со температури близу 40 степени, интервенции имало на јавни места и во домовите на граѓаните. Најчести последици биле пад на крвниот притисок и колабирање поради не доволно внесување на течности и лесна храна. Летото и жешките денови се пред нас па докторите апелираат да се внимава на високите температури за да не се дојде до несакани последици кои посебно се однесуваат на луѓе над 60 години, деца, бремени жени, хронично болни, лица со прекумерна тежина и граѓани кои примаат специфични терапии.
За разлика од викендот денеска полесно се дише велат граѓаните, но сепак ги почитуваат апелите на лекарите, без потреба не излегуваат надвор од 11 до 17 часот, а викендот го поминале во своите домови под клима уреди.
ИЈЗ изготви акциски план со што наместо на 41 на 37 степени ќе се вклучи црвениот аларм. Штом два дена по ред ќе се надмине температурата, државата ќе може да прогласи кризна состојба. Воедно планот содржи мерки и препораки како граѓаните да се заштитан од високите температури. Во планот кој е променет по 14 години опишан е како прецизно и навремено да профункционира системот на најава на топлински бранови, кои мерки и активности за заштита да се спроведат, кои инстутуции се одговорни за тоа, детален план за мониторинг и евалуација, како и протоколи за постапување, во болниците, училиштата и други.
Давид Крстевски
