Зголемен e бројот на хоспитализирани средношколци на Инфективното одделение, при штипската Клиничка болница, кои се затруле со сендвич од сендвичара, во близина на штипско средно училиште. Вчера на ова одделение се примени уште двајца, од кој едниот пациент е пуштен на домашно лекување. Сите пациенти се од истото училиште. Во моментот на Инфективно, се хоспитализирани петмина, а уште десет се во дневна болница. Пациентите се во стабилна состојба, информираат од Инфективното одделение.
За да се утврди вистинскиот извор на труење штипските епидемилози при Центарот за јавно здравје, зедоа примероци од инкриминираната храна за лабараториско испитување и брисеви од работните површини. Резултатите треба да бидат готови утре.
„Направивме епидемиолошко анкетирање на сите пријавени лица. Извршена е едукација на вработените во однос на начинот на спремање на храна, складирање, како и чување на истата. Дополнително се дадени предлог мерки и земени се брисеви од вработените. Направен е и вонреден санитарен преглед и земени се мостри од храна за испитување„ вели во телефонски разговор, Светлана Живкова, епидемиолог во ЦЈЗ-Штип“.
По наредба на инспекциските служби на АХВ и Државниот здравствен инспекторат, сендвичарата е времено зтворена, се до добивање на официјалните резултати.
