Позитивен пресврт има и во земјоделството чии резултати според надлежните се импресивни. Премиерот Мицкоски соопшти дека во четвртиот квартал повеќе од двојно е поголем извозот отколку увозот на земјоделски производи.
„Само во четвртиот квартал имаме околу 12,5 милијарди денари што е навистина импресивна бројка, споредено со целата година, имаме преку 450 милиони евра извоз на земјоделски производи, наспроти околу 200 милиони увоз – рече Мицкоски.
Дополнително, тој нагласи дека Владата ќе продолжи со поддршка на земјоделците кои реално произведуваат.
-Земјоделието повторно станува одличен драјвер на македонската економија. За жал, откривме дека дел од лицата кои се декларираат како земјоделци всушност ги злоупотребуваат субвенциите. Во новата програма поддршката ќе ја добиваат вистинските земјоделци, кои реално произведуваат и придонесуваат – нагласи премиерот.
