Граѓанските активисти на нозе,бараат ургенто затворање и дислокација на дивата депонија Буково која преставува еколошка бомба и го труе охридско-преспанскиот регион повеќе од две деценции. Со Националниот план за управување со отпад,оваа депонија е оценета како високоризична за животната средина,а согласно препораките на Унеско, требаше да биде затворена најдоцна до 2020 година. Од групацијата „Збогум Буково“ составена од 20-тина граѓански организации, месни заедници,загрижени граѓани,бараат Охрид и општините од Југозападниот плански регион итно да се договорат и да се вклучат во регионалниот систем за управување со отпад, да се надминат сите административни бариери и да се отвори регионалната депонија во Новаци, со цел да се заштити здравјето на над 50.000 охриѓани.
”Депонијата го труе целиот охридски регион како и дел од селските средини во Ресен.Затоа сметаме дека во меѓувреме треба да се воведе систем за селекција на отпад, дали на органски, дали на хартија, стакло, пластика за целата теритирија на општината за во меѓувреме да се најде решение со постепено затворање на депонијата Буково која што за жал веќе претставува голема опасност за охридскиот регион”-вели Ѓоко Зороски-групација “Збогум Буково’’
Во моментов, ситуацијата со депонијата е аларманта,бидејќи постојано гори а чадот кој содржи најканцерогени материи не само што се чувствува во Охрид, токсичниот чад се спушта и на другата страна, во Ресен. Дел од патот Охрид – Ресен кај депонијата е црна еколошка точка, каде буквално не се дише.Ништо подобра не е ситуацијата ниту со депонијата Мауцкер,на влезот во Охрид.
“Сметаме на зголемување на бројот на поддржувачи на оваа иницијатива се до конечниот резултат, односно затворање на депонијата Буково заедно со депонијата Мауцкер.Овој ден можеме да го сметаме како ден на еколошка револуција каде што ќе се стави крај на овие депонии”-вели Горан Ангелоски, групација “Збогум Буково”
Депонијата на која дневно се одлагаат околи 90 тони ѓубре се наоѓа во регион богат со многу флора и фауна,подземни води,извори и пасишта кои повеќе не се безбедни.Загадена е почвата и земјоделските земјишта. Буково е еднакво оддалечено од Охридското и од Преспанското езеро и бидејќи е лоцирано во сливот на Коселска Река има влијание и на водите во двете езера.Ситуацијата ја влошуваат и дополнителните пожари кои се потпалуваат од собирачи на метални суровини, а на депонијата нема ограда. И покрај напорите на јавното комунално претпријатие за санирање на постојаниот пожар на депонијата, нема многу видливи ефекти.Локалната самоуправа деновиве ќе се произнесе околу проблемот со депонијата Буково.Инаку во планот за затворање на нестандардни депонии во Македонија, Буково е ставена на листа од 25 приоритетни депонии.
Росица Голабоска
