Комисијата за финансирање и буџет попладнево ја продолжи амандманската расправа за Предлог-буџетот за 2026 година. Беа прифатени неколку амандмани поднесени од опозицијата со кои ќе се обезбедат финансиски средства за доопремување на службите за Брза помош.
Во попладневниот дел од расправата главно се разгледуваа амандмани со кои се бараше опремување или реконструкции на здравствени установи.
Амандманската расправа продолжува и утре.
Според најавите, се очекува Предлог-буџетот на 9 декември да биде ставен на пленарна седница. Економскиот раст е проектиран на 3,8 проценти, инфлацијата на 2,5, а буџетскиот дефицит на 3,5 проценти од БДП. Државата планира 374,7 милијарди денари вкупни приходи, 413,9 милијарди денари вкупни расходи, како и 40,5 милијарди денари капитални инвестиции.
