Голем е интересот на граѓаните за вакцинирање против сезонски грип. Само во првиот ден, во Македонија се имунизирале околу 2.000 граѓани од досега пријавените 49 илјади. Годинава министерството, набави 80.000 дози на четиривалентната вакцина од холандскиот производител „Абот„. Вакцинацијата се спроведува на 35 вакцинални пункта во државава, од кои пет се лоцирани во Скопје.
Министерот за здравство, Азир Алиу, го посети вакциналниот пункт во Гостивар, каде и тој прими вакцина против сезонскиот грип. Министерот ги повика граѓаните да се пријават на апликацијата вакцинација.мк, нагласувајќи дека бројката на досега пријавените, покажува висока свесност за превенција и заштита од сезонски грип.
„Денес сум во мојот роден град Гостивар, кде се вакцинирав и прекук личен пример сакам да ја истакнам важноста од навременат вакцинација, како најефикасна превентивна мерка за заштита на здравјето. Апелирам граѓаните навреме да се заштитат од сезонскиот грип, посесбно повикувам лицата, кои спаѓаат во ризични групи население да се пријават преку апликацијата или кај својот матичен лекар“, изјави министерот за здравство, Азир Алиу.
Голема свесност за придобивките од вакцината покажуваа и штипјани, во градот дневно ќе се вакцинираат по околу 150 граѓани.
„Заинтересираноста засега е голема, на дневна основа ќе се вакцинираат по 150 граѓани„ изјави д-р Јасмина Тасовска-епидемилог-ЦЈЗ-Штип
Вакцините се бесплатни за хронично болните, граѓаните над 65 години, бремените жени, здравствените работници и лицата со слаб имунитет. Вакцината освен што го намалува ризикот од зараза, значително ги ублажува симптомите кај оние што сепак ќе се разболат.