Кој се може да стане уставен судија, дали е потребно проширување на надлежностите на Уставниот суд и треба ли судот да се реформира? На тркалезна маса во Уставниот суд претставниците на институциите, правната струка и граѓанскиот сектор отворија дебата за потребата од донесување на посебен закон за работата на Уставниот суд. Претседателката Гордана Сиљановска Давкова порача дека Уставниот суд одамна требало да се реформира бидејќи Уставниот суд е најнереформираната институција.
Уставот има малку одредби за уставното судство, и не е предвиден закон за Уставен суд, констатира шефицата на државата Сиљановска Давкова. Според неа, ваквата состојба им одговарала на сите политички елити од осамостојувањето на државата.
Претседателот на Уставниот суд, Дарко Костадиновски порача дека за ова прашање низ изминатите 30-тина годините има две работи кои се дополнуваат. Зошто и кому му е потребен статус-кво во уставното судство, и втората е дебата за изборот, кој се – смее да биде уставен судија. Според Костадиновски, граѓаните треба да знаат кои се уставните судии и какви одлуки носат на седниците. Според него, така може да се воспостави брана, кој се – може да биде уставен судија. Тој зборуваше и за терминот истакнат правник при критериумот за ибор на члена на уставниот суд. Дециден е дека терминот може да се прецизира како и начинот на избор.
На тркалезната маса учество земаа амбасадорот на ЕУ во Македонија, Михалис Рокас, германската амбасадорка Петра Дрекслер и амбасадорката на САД, Анџела Агелер.
