Политички притисок или бизнис интереси?! Поранешниот премиер Зоран Заев и екс-министерот за здравство Венко Филипче, актуелен лидер на СДСМ, во периодот на ковид-пандемијата, барале начин како да дојдат до сопствеништвото на приватната болница Жан Митрев. Ова го тврди познатиот кардиохгирург и сопственик на болницата , во емисијата на Алфа „Вечерното шоу на Богдан Илиевски“.
Според изнесеното во телевизиското гостување, тоа се случувало во екот на судската хајка против Жан Митрев, обвинет за наводни измами на пациенти при лекување пациенти заболени од корона.
„Значи потврдувате дека имало заинтересираност од Зоран Заев и Венко Филипче да најдат пат до сопствеништво на вашата калиника“, прашува водителот Богдан Илиевски. „Видете ова требаше други да ме прашаат“, одговори Жан Митрев. „Никој не ве прашал досега“, прашува Илиевски. „Не“, одговори Митрев. „Ја имам честа за жал, бидејќи јас не сум истражен орган“, вели Илиевски. „Имаше реални контакти такви, и на писмено“, вели доктор Жан Митрев – сопственик на клиника Жан Митрев
Понатаму доктор Митрев тврди декана заинтересираните за преземање удели во болницата им објаснил дека му биле замрзнати неговата лична сметка и сметката на болницата, а Обвинителството ставило забрана и за продажба на удели.
Па како поткрепа за неговите тврдења го посочува моментот, кога после една недела се случило „чудо“: сметките останале замрзнати, но забраната за продавање удели била симната.
Јас викам, добро, тоа се е во ред. Но имам, покрај тоа што е блокирана болницата имам и забрана да продавам удели. И тогаш настана мала забуна, после точно не знам колку време, дали недела дена, дојде ново решение од обвинителство, можеби е чудно, но дојде ново решение од обвинителство, болницата е блокирана мојата сметка лична е блокирана, а се ослободува болницата и може да се продаваат удели“, изјави Жан Митрев.
Овие тврдења отвораат сериозни прашања, дали здравствениот систем бил злоупотребуван за политички и бизнис интереси, дали судските процеси врз клиниката биле користени како средство за притисок и дали приватниот сектор бил цел на организирани обиди за преземање.
