За два дена регистрирани се 11 нови случаи на голема кашлица во Скопје. Вкупната бројка на заболени во главниот град се искачи на 57. Според последните податоци од центарот за јавно здравје во Скопје нема регистрирано случаи на заболени со мали сипаници. Епидемијата на голема кашлица гo зголеми обемот на вакцинација. Од вакциналните пунктови ги проверуваат и вакциналните картони и се јавуваат да ги повикаат родителите за да ги имунизираат децата. А исто така и во градинките и во училиштата се врши проверка на вакциналниот статус на децата.
Педијатрите велат дека за комплетна вакцинација се смета дете кои ги примило трите дози дитепер вакцина и плус ревакцината. Доколку вакцината е комплетна штити во наредните 5 до 6 години, а потоа има бустер во второ и во деветто одделение.
