Училиштата ги отворија вратите за учениците. Второто полугосдие стартувасше според планираната програма и термини. Наставата започна во сите основни и средни училишта, без одложување. Состојбарта со грипот според надлежните не е толку драматична за да се одложи стартот на второт полугодие. Ова повеќепати го соопштија здравствените власти, но и министерката за образование Весна Јаневска. Таа повтормно апелираше до родителите да обезбедат редовно присуство на учениците на часовите, освен во случаи кога такво нешто е неопходно поради влошена здравствена состојба:
„Јас сум многу среќна што грипот не достигна такви размери и што учениците може денеска да го почнат второто полугодие од учебната година, изјави министерката за образование и наука“, изјави Весна Јаневска министерка за образование.
Јаневска појасни дека неопходно е да се воведе поголем ред во образованието, особено имајќи предвид дека учениците во земјава и онака имаат помал број наставни часови во споредба со нивните врсници во Европа. Истражувања и во светот и кај нас, покажуваат дека колку повеќе децата се во училишните клупи, толку се подобри нивните резултати, односно се стекнуваат со повеќе знаење, вештини и компетенции.
„Нашите ученици до 15 години имаат 900 часа помалку од своите врсници во Европската Унија, чии стандарди ние сакаме да ги достигнеме и во кој клуб сакаме да се приклучиме. Но, ние, повозрасните, и родителите треба да знаат дека е неопходно да се почитува редот во образованието, изјави Весна Јаневска министерка за образование.
Во продолжението на учебната година ќе се интензивира воведувањето на едносменска настава, која досега е имплементирана во околу 200 училишта. Годинава, во јуни, завршните испити за матурантите ќе се спроведуваат по нов модел, кој ќе биде прилагоден според видот на средното образование со цел оценувањето да биде пореално и пофер.
