Вработените во ЈСП повторно изманипулирани. Наместо целосно К-15 од 16.800, на сметките добиле половична сума од 8.000 денари. Синдикалците револтирани, велат дека ова е понижувачко за сите вработени кои не го земале она што законски им следува. Освен тоа, велат дека дискриминрачки е тоа што вработените со инвалидитет добиле уште помала сума од 4.000 денари.
“Се надеваме дека ќе биде ислатена и другата половина, сите бевме уврени дека ќе го добиеме тој регрес, но еве не го добивме..Неофицијално е дека вториот дел ќе биде исплатен…добивме линеарно сите по 8. 000 денари, со исклучок на луѓето кои се инвалиди на трудот и што кај нив беа префрлени само по 4.000 денари, не е фер тоа е дискриминација врз овие луѓе” – вели Елизабета Тошевска претседател на СПАЈС при ЈСП.
И во новата година, старите проблеми со ЈСП…граѓаните повторно се жалат за нередовноста на автобусите.На минусни температури смрзнуваат по автобуски станици, чекаат по еден час за да стигнат до одредена дестинација, бараат одговорност и решение на проблемот кој се провлекува предолг период.
Од ЈСП, велат дека секоја година за време на зимскиот распуст на учениците, има редуциран распоред на автобуси па затоа автобусите биле по ретки.
Случувањата во ЈСП со месеци наназад беа во центарот на вниманието..автобусите немаа нафта, им доцнеа плати, се сменија неколку директори, возачите се жалеа дека возат неисправни автобуси, дефектни возила можеа да се забележат речиси секојдневно по градските улици..
На крајот од 2024 година ЈСП остана и без директор, откако му истече мандатот на в.д. директорот Драги Кушовски, но сепак, градската власт одлучи да му го продолжи договрот.
Ања Лукарова
