Во меѓувреме, во Штип започнува судењето на 74-годишниот штипјанец, обвинет дека од љубомора ја убил својата 79-годишна партнерка, а потоа нејзиното обезглавено тело го закопал во дворот од својот дом, каде живеел сам.
Истрагата започнала кон крајот на октомври, кога 84-годишна жена пријавила дека нејзината сестра е исчезната и неколку дена не се вратила дома. По преземаните мерки, полицијата дошла до сознанија дека исчезнатата жена можеби била насилно задржана кај осомничениот.
На 10 ноември, со судска наредба, бил извршен претрес во неговиот дом, при што биле пронајдени траги од крв и предмети поврзани со истрагата. Осомничениот 74-годишен маж веднаш бил приведен, по што му бил одреден притвор.
