Во Основниот суд во Штип денеска продолжи судењето за Стојанче Зарков, обвинет за убиството на својата 84-годишна мајка. И на денешното рочиште тој изјави дека не се сеќава дали ја убил. Според неговото сведочење, на 8 август минатата година купил храна и лекови за мајка му, излегол на кафе и навечер се вратил дома со такси.
Тврди дека бил во друга соба кога таа почнала да вика, а кога влегол забележал дека ѝ тече крв од вратот, по што повикал Итна помош. Рече дека не се чувствува виновен за смртта на мајка му, иако кобната вечер, кога се јавил во ЦУК да побара помош, рекол дека несакaјќи ја прободел мајка му и не знае дали ќе преживее. Денеска рече дека не се сеќава на тоа, а потврди и дека има проблем со алкохолот.
Настанот се случи лани во август, во семејната куќа во Штип, во која живееле синот и мајката.
