Без никакви проблеми се одвива гласањето во источниот дел на Македонија. Достоинствено, во фер и демократска атмосфера граѓаните гласаат за нови градоначалнци и советнички состав кои во наредните четири години ќе ги водат општините.
Сите избирачки места во 3 Изборна единица беа отворени точно навреме. Единствено на едно избирачко место во Штип, поради технички проблеми, гласањето се одвива без користење на уреди за биометриска идентификација. И во третиот пресек од овој изборен ден Пробиштип, останува високо на листата по излезност. До 13 часот, своето право на глас го искористиле 32, 78% од гласачите, а во Штип 24, 23%
Изборите се надеж за подобар живот, за подобра иднина, коментираат граѓаните кои денеска го искористија своето демократско право гласајки за градоначалник и нов советнички состав..
На овие осми по ред локални избори во источниот дел, односно во единаесетте општини во Брегалничкиот регион, со право на глас се 149, 283 граѓани.