Вкупно 35 грнчарски предмети изработени од млади основци од Крива Паланка со проектот „Патот на стомната до изворот” на Градски музеј Крива Паланка, од денеска се изложени во музејот и достапни за јавноста.
-Станува збор за изложба на дела изработени од вештите раце на креативните млади ученици од ООУ “Илинден”, Крива Паланка, кои ги усвојуваат техниките за изработка и креираа грнчарски предмети на тридневна работилница во мај, под менторство на Пепица Јаначковска Стојчевска, ликовен педагог, информира Наталија Милковска, кустос етнолог во музејот, која исто така ги водеше и менторираше учениците на работилницата.
Милковска нагласи дека изложбата ќе биде достапна за сите граѓани во претстојниот период, како сведоштво и потсетник дека културното наследство живее тогаш кога го пренесуваме на младите генерации.
