Во Паркот на револуцијата во Кочани, по повод Европската недела на спортот, денеска се одржаа низа спортски активности, неколку трки, дружење и забава за младите.
Под мотото #BeActive, настанот е дел од од одбележувањето на европската инцијатива „Европска недела на спортот“ и се реализира преку Министерството за спорт и поддршка од Европската Комисија.
На настанот имаше неколку натпревари во течење на 400 и 4 000 метри за најмладите и повозрасните. За учесниците беа обезбедени стартни сетови, а за победниците награди.
Националниот координатор на проектот Александра Дичевска, ја истакна главната цел на оваа спортска иницијатива – поттик за граѓаните да бидат поактивни физички, значи да се грижат за храната и за начинот на живеење.
Во текот на десетдневниот караван, организаторот најави 9 централни настани, додека во локалните активности се вклучија над 40 општини, меѓукои и Кочани.
