Бутел доби голем спортско-рекреативен центар. Градоначалникот Дарко Костовски, заедно со премиерот Христијан Мицкоски и министерот за спорт Борко Ристовски го отворија комплексот. „Ова е уште еден спортско-рекреативен центар кој е изграден во изминатиов период“, вели Ристовски и најави дека негова заложба ќе биде изградба и на други вакви спортско-рекреативни центри кои ќе бидат ставени на располагање на граѓаните.
Министерот за спорт Борко Ристовски, заедно со претседателот на Владата, Христијан Мицкоски и пратеничката Каролина Насковска денеска во населеното место Љуботенски пат свечено го отворија новиот спортско-рекреативен центар „Бранители“.
„Ова е место на кое во минатото пораснаа многу генерации но за жал изминатите години беше целосно запуштено и претворено во депонија. Спортско рекреативниот центар “Бранители” се протега на повеќе од 2.600 м2 површина и има повеќе содржини – ново модерно фудбалско игралиште со вештачка трева, нова челична ограда и ново лед осветлување, ново баскет игралиште со специјална подлога, нов парк и нови зелени површини, нови пешачки патеки, нова урбана опрема како и ново лед осветлување“ – информираше министерот Борко Ристовски.
