Во Битола запалено е возило на поранешниот кандидат за градоначалник од СДСМ, Христо Кондовски

Ноќеска на паркинг во Битола запалено е возило на поранешниот кандидат за градоначалник од редовите на СДСМ, Христо Кондовски.

Огнот прво избувнал во „Тојота“, а потоа зафатил уште две возила паркирани до тој автомобил. Од полицијата потврдуваат дека се опожарени три возила, а екипи на противпожарната служба интервенирале веднаш по дојавата. Во инцидентот нема повредени лица. Според СВР Битола, трите опожарени возила се водат на приватни фирми — битолска, скопска и тетовска фирма. Од опозициската партија го осудија опожарувањето на возилото на нивниот сопартиец велејќи дека овој насилен чин влева страв кај граѓаните за нивната лична безбедност, а на само неколку месеци пред локалните избори.