Блокирано нормалното функционирање на 40 основни училишта во Струга и струшко –учениците мрзнат бидејќи нема греење. Удавени во долгови, струшките основни училишта останаа без нафта, дрва, а некои и без струја. Директорите обезглавени,не знаат кој крај да го фатат, жиро сметките им се празни, а тие сами неможат да распишуваат тендери на нивна набавка.
“Секое училиште на ниво на општина Струга на жиро сметка нема нити денар во тие ставки за комунални потреби на училиштето. Така што ние при подготвување за новата учебна година,во распишување на тендери за нафта,струја и дрва,немаме обезбедено пари и сметам дека не можеме да распишеме тендер без обезбедување на пари на жиро сметките”-вели Мустафа Калиќи-директор на основно училишта “Единство” Октиси
Во мојот 35 годишен работен век не сум го доживеал ова, вели Калиќи,откривајќи дека само за нафта за мината учебна година, сите основни училишта имаат вкупен долг од околу 12 милиони денари.
Струшкиот градоначаник вели дека немал обврска да ги подмирува матерјалните трошоци.Признава дека имало период кога учиштата немале креди, немале основни сретства за хигиена за што наводно на добра воља од општинската каса кеширал 900.000 евра?!
ТЕЛОП Рамиз Мерко-градоначалник на Струга: “И вчера директорката на О.У. “Јосип Броз Тито” бараше да им исплатам струја, иначе нема струја таму,во училишето во Татеши нема дрва.Вчера имав извештај дека во некои школи не ќе има настава.Еве ќе ги оставиме училиштата без сретства нема да има настава, а ќе има директори.Немам задолженија, утре ќе одговарам зошто толку сретства сме трошеле за училиштата а не сме задолжени по закон.”
Од министерството за образование негираат,согласно Законот за основното образование, општината може да ја дополни добиената блок дотација, со средства од сопствени извори, освен за платите на вработените во училиштата. Тоа значи дека сите режиски трошоци можат да се исплатат и од извори на општината. Ставот на министерството е дека е потребно да се пристапи кон оптимизација на училишната мрежа бидејќи општината има можности да оптимизира голем број на паралелки, и дека како основач е должна да создаде услови за непречено одвивање на воспитно-образовниот процес.
