ВМРО-ДПМНЕ со зголемена доверба споредено со парламентарните избори, 29 осто од граѓаните незнаат кој е лидер на СДСМ. Ова се резултатите од истражувањето за порталот МКД.мк што го спроведе агенцијата Маркет вижн.
Најголемите проблеми што ги мачат граѓаните во државава се криминалот и корупцијата, додека втор најважен проблем се инфлацијата, растoт на цените и трошоците за живот.
Дел од испитаниците одговориле дека проблеми во државава се и невработеноста, ниските пензии и плати, проблемите во здравството, емиграцијата и образованието.
Споредено со истражувањето од март 2024, перцепцијата на јавноста за корупцијата и криминалот како најважен проблем во земјата се намалува, додека во фокус останува инфлацијата, растот на цените и трошоците за живот.
Во однос на прашањето за распуштање на Судскиот совет и за подобрувањето на правосудниот систем, позитивно одговориле 43,2 отсто од граѓаните, а за 33,4 отсто од испитаниците тоа е негативна мерка.
Најголем дел од граѓаните знаат кој е новиот лидер на СДСМ, додека 28,8% се изјасниле дека не знаат. Процентот на оние што не знаат е поголем кај испитаниците од албанска националност.
Во однос на тоа за која партија граѓаните би гласале на парламентарни избори, доколку би се одржале утре, најголем дел одгвориле дека ќе гласаат за ВМРО ДПМНЕ. Коалицијата Вреди исто така е во пораст споредено со парламентарните избори, ДУИ стагнира, а СДСМ е со голем пад.
Анкетирањето е спроведено од 16 до 25 септември со телефонско анкетирање на примерок од 1.200 испитаници.
