СДСМ и Венко Филипче за седум години власт во Македонија, ја уништуваа, назадуваа и ја разградуваа државата до степен да не може да препознае, потенцираа од ВМРО-ДПМНЕ.
Од таму додаваат дека, СДСМ и Филипче се причината и лично одговорните за разурнатиот државен систем.
Со секој изминат ден СДСМ и Венко Филипче се повеќе ја покажуваат својата неспособност, лицемерие и дволичност. Во нив нема ништо искрено, тие го потценуваат и во лице му исмеваат на народот. Таков е и примерот со поднесувањето на закон за Кочани, соопшти партијата.
„Нема полицемерно од тоа СДСМ и Филипче да поднесат закон за Кочани, затоа што тоа е исто како да поднесат закон за Модуларната болница во Тетово или за враќање на името.
Поднесување на предлог закон за настраданите во Кочани, не е ништо друго, освен исмевање на народот во очи.
До каде може да оди апсурдот и лицемерието на СДСМ и Филипче, што е следно? Дали е следно СДСМ и Филипче да поднесат и закон за враќање на името, закон за Модуларната, или пак закон за Онкологија, за пациентите кои ги оставија со вода место со лек?
Можеби, пак, на Филипче и СДСМ ќе им текне да поднесат и закон за потекло на имотот на Зоран Заев, или пак закон за поништување на последните измени на Кривичниот закон, со помош на кои се спасија од прогон.
Со ова, СДСМ и Венко Филипче уште еднаш покажаа и докажаа дека кај нив ништо не е сменето. Таму сè уште останува истиот лицемерен пристап и матрица на потценување и исмевање на граѓаните“, нотираат во соопштението.
Тоа е истата онаа партија и во неа се истите луѓе кои сменија име, беа причина за Беса транс, Ласкарци, Модуларната, Онкологија и десетици други трагедии, а за истите ниту чувствуваа никаква вина и грижа на совест, ниту пак за истите понесоа никаква одговорност, соопшти ВМРО-ДПМНЕ.
СДСМ и Филипче не се, и не можат да бидат решението, затоа што тие се проблемот. СДСМ и Венко Филипче остануваат синоним на лицемерието, неспособноста, на криминал и предавства, се наведува во соопштението во владејачката партија.