Заврши опседнатоста на СДСМ со Александар Вучиќ и соседна Србија, сега си најдоа нова опсесија. Откога со недели и недели ја труеја македонската јавност со соседната земја до степен човек да не може да разликува дали се опозиција во Србија или во Македонија, сега отидоа малку на север и се фатија со Унгарија, се наведува во соопштението од ВМРО-ДПМНЕ.
СДСМ на чело со Венко Филипче очигледно живее во некој паралелен, измислен универзум штом со ништо друго не се занимаваат, освен со теории на заговор дека сè е против нив, небаре се центар на светот.
Ваквите состојби кај луѓето бараат професионален третман од стручни медицински лица за што се надеваме дека ќе се обратат кај лекари и побргу ќе ја надминат ситуацијата.
Или, пак, ваквата нивна илузија е нивен свесен чекор за да избегаат од реалните проблеми и состојби во самиоит СДСМ, само и само да не му се загрози претседателското столче на Филипче за што има сè погласни повици да си замине од партијата, која ја имаат заробено со кланот Дубаи.
Кога сме кај кланот Дубаи и Зоран Заев, го прашуваме СДСМ добри ли му беа Виктор Орбан и Унгарија за време на седумгодишното владеење кога реализираа многубројни средби во Македонија и Унгарија со високи делегации кога лично Заев изразуваше голема благодарност кон унгарската влада за соработка и за помошта што ѝ ја даваа на нашата држава.
Наместо да лутаат како безидејни, што и се, им препорачуваме што побргу да си погледнат во сопствениот двор и да се зафатат со решавање на внатрешните проблеми зашто никој на СДСМ и на Венко Филипче не им е крив за проблемите во партија, освен тие самите, кои не слушаат никого, ни членство ни поддржувачи, туку си тераат по свое.
Дополнително прашуваме, каде во светот лице фатено на дело да шмрка кокаин дели лекции за морал?
