ВМРО-ДПМНЕ бара од Венко Филипче и СДСМ да се извинуваат што го лажеле народот дека Бугари во Устав се единствениот услов за напредок на државата. Владечката партија реагира по последната изјава од шефот на бугарската дипломатија кој предупреди дека уставните измени не се единствениот услов, туку тогаш допрва почнува процесот. Оваа негова изјава според ВМРО-ДПМНЕ значи врел шамар за СДСМ, Венко Филипче и целата надворешна политика на социјалдемократите која велат дека се засновала на тезата дека уставните измени се единствениот услов кој треба да се исполни.
Од владечката партија предупредуваат дека СДСМ лажно убедувала дека уставните измени се единствената пречка и нема опасност од ново вето, додека ВМРО-ДПМНЕ барала гаранции и уставни измени со одложено дејство. Потсетуваат дека и претседателот на партијата, Христијан Мицкоски, многу пати јасно посочувал дека смената на Уставот е само почеток на барањата од официјална Софија.
