Неколку месеци полицијата го следела трагoт што ги однесе до 324 килограми марихуана и разби организирана група за наркотици која делувала во целиот регион. Македонската, косовска и грчката полиција истражувале, разменувале оперативни инфромации и координирано уапсија двајца членови од мрежата во Солун, по еден од Македонија и Косово. Дрогата била добро сокриена во осум палети со хартија, сместени во приколка од камион.
Претсеси се правеле на повеќе локации, а се собирале и докази за евентуално и други вмешани во трговијата со наркотици.
- „Под раководство на јавен обвинител од Основното јавно обвинителство за гонење на организиран криминал и корупција, во попладневните часови Одделот за криминалистичка полиција изврши претреси на повеќе локации на територијата на државата, со цел откривање на евентуално инволвирани други лица, како и обезбедување на дополнителни докази и предмети поврзани со кривичното дело“, наведува ОЈО ГОКК.
Поради тоа што истрагата се уште трае, полицијата не споделува детали, ниту за бројот на останатите опфатени луѓе, начинот на дејствување на групата. Се уште се истражува не само во Македонија туку и во Косово.
- „Акцијата претставува уште една потврда за решеноста на македонската полиција да се спротивстави на организираниот криминал и меѓународната трговија со наркотици, преку сериозен и професионален пристап, оперативна работа и брза размена на информации со меѓународните партнери“, вели МВР.
Изминатиот период македонската полиција спроведе неколку акции за разбирање на криминалните мрежи кои оперираа на македонска територија. За добар дел од нив веќе се изречени и затворски казни. Пресечени беа и повеќе канали за шверц на дрога преку Македонија кои воделе до Турција и Бугарија. Последната заседа на Тигрите беше во април годинава кога на Градско беа запленети 65 килограми дрога.
Полицијата редовно тресе и по македонските градови па така речиси секојдневно можат да се видат уапсени со одредена количина на наркотици.
