Владата во целост го поддржа барањето за повисока откупна цена на пиперката ајварка. На производителите им се вреднува родот, а државата го контролира процесот. Засега договореното се почитува. На договорот претходеа двонеделни протести на струмичките земјоделци кои бараа повисока откупна цена. Протестите ги предводеше месното здружение на млади земјоделци Муртино, незадоволни од ниската откупна цена на ајварката. За Премиереот Христијан Мицкоски е чудно што по неколкудневните протести, откако владата им подаде рака, и ги поддржа земјоделците, а не откупувачите, протестите веднаш запреа и наеднаш се постигна договор.
„Еве ние ве поддржуваме ние сакаме да имате повисока цена за вашиот род и заслужувате повисока цена и треба да имате. Вашиот род од страна на откупувачите е потценет. Ајде заедно во откупните центри да протестираме сите. Е тогаш наеднаш се постигна договор, наеднаш се договори се, наеднаш се затвори целата оваа приказна. Но, добро е што сега сите се задоволни, што откупот веќе неколку дена тече онака како што отчекувавме“, изјави Мицкоски.
Владата останува на ставот дека земјоделеците мора да бидат заштитени, а нивниот труд соодветно вреднуван. Според договорот, пиперката ајварка се откупува до 40 денари за килограм за прва класа.
За земјоделците ова значи конкретна разлика. Почетната цена од 25 денари е заменета со договорени 40 денари за прва класа, 30 денари за индустриска класа, и 15 денари за втора класа.
Министертството за земјоделие останува посветено на вреднувањето на трудот на земјоделецот. За евентуални субвенции за производство на пиперка треба да се направат законски измени. Но за посветеноста на земјоделците потврди изјавата на Министерот Борче Серафимовски дека до карјот на месецов се обезбедни субвенции во износ од двесте илјади евра наменети за сточарите и полјоделците.
