ПР-от на СДСМ е под надворешно влијание под палката на Башановиќ екс советникот на Зоран Заев. СДСМ и Филипче се опседнати со Србија бидејќи Башановиќ екс советникот на Зоран Заев го води ПР тимот на СДСМ. Башановиќ е контроверзна личност и лице со контроверзно минато со матни бизниси од областа на енергетиката, се вели во соопштението од ВМРО-ДПМНЕ.
Башановиќ има контроверзен профил, тој е естраден турбофолк менаџер и сопственик на телевизија во Србија, човек кој е апсен за крадење облека во САД. Тој е избркан од СНС затоа што склучувал милионски договори во сомнителни комбинации.
Башановиќ е личност која му беше специјален советник во владата на Заев со плата од над 1500 евра. Тој е и куќен пријател на Заев во Грција.
Преку Зоран Башановиќ, и ПР агенцијата “Ај медија” во која соопштенијата и прес-конференциите ги пишува Милјан Шчекиќ се креира ПР стратегијата на СДСМ и се шират лаги и манипулации.
СДСМ и Филипче делуваат по насока на овие лица а нивните ставови кон Србија се резултат на тоа влијание.
Дали политиките на СДСМ и Филипче што ги водат се резултат на домашните приоритети или работат за туѓи интереси и директиви?
Граѓаните имаат право да знаат кој ги пишува соопштенијата во СДСМ, кој им ја креира политиката и во чии интереси делува СДСМ.
