Споредбата на комитите кои се бореле за создавање на независна Македонска држава, со борците на УЧК кои всушност војуваа против Македонија и сонуваат за Голема Албанија е невиден безобразлук. Ваквата споредба што ја направи ДУИ во врска со контроверзната престава во училиштето во Челопек е директна провокација која само може да ги загрози меѓуетничките односи и со цел да се предизвика политичка криза. Според политичкиот аналитичар Ристо Никовски ова е само уште една во низата на национал-популазм со кои Ахмети и неговата ДУИ се обидуваат да се прикажат како единствени бранители на Албанците во Македонија.
“Ова е долгорочна политика која ја водат одредени албански политичари, но, споредувањето на комитите со ОВК или УЧК кои ќе ги наречам борци а генералниот секретар на НАТО ги нарече терористи е безобразлук и неприфатливо бидејќи комитите беа борци за слобода, сите, Македонци, Албанци, Турци, Власи, тоа е симбол на оваа држава и мора да го почитуваат сите” нагласи Никовски
Случајот со училиштето во Челопек е само уште еден во низата политички провокации кои ги предизвикува опозицијата. Според Никовски овој инцидент не е изолиран и е директно поврзан со прославата на албанското знаме и дивеењето во центарот на Скопје. Со него ДУИ сака да предизвика криза.
“Тоа е апсолутно точно и тие јавно кажаа дека дека ќе прават политички притисок и дестабилизација, а за тоа говорат и оние непримерни сцени за прослава на албанското знаме а се газеше и палеше Македонското. ДУИ е спремен и одлучен да оди во една безбедносна криза, но мислам дека нема да им успее” дециден е Никовски.
Низата реакции на релација власт и опизиција следат откако на прослава за денот на албанското знаме, ученици во училиште во Челопек изведуваа претстава со пушки и други оружје во униформи на УЧК за што реагираше и министерката за образование Весна Јаневска. Во моментов се очекуваат резултатите од спроведниот вонреден инспекциски надзор од страна на просветниот инспекторат кој ќе покаже дали ќе следат санкции и казни.
Даниел Ѓорѓевски
