Реформи и репреговарање – исполнување на домашните задачи и изнаоѓање решение и гаранции. Овој рецепт според власта може да донесе успех во евроинтегративниот процес на Македонија – пат со низа пречки кој земјава го оди со години и никако да го исполни европскиот сон.
Министерот за европски прашања Орхан Муртезани смета дека треба да се почека Бугарија да добие стабилна политичка влада, и да се лобира за евентурално ново решение. Уставни измени со одложено дејство би можеле да дадат гаранции дека во иднина нема да има нови блокади. За омекнување на односите на релација Скопје-Софија, добредојдено ќе биде и имплементирањето на пресудите од Стразбур од страна на Бугарија, кои се однесуваат на правата на Македонците таму. Паралелно со овој процес, мора да се спроведува и реформската агенда која е директно поврзана со Планот за раст на Западен Балкан, алатка на ЕК, за европеизирање на инсистуциите во земјите кандидати.
Од Институтот за европска политика велат дека соработката помеѓу експертите и академската фела, граѓанските организации и владата е клучна за спроведување на реформаска агенда.
Дека уставните измени не се единствениот услов за приближувањето на Македонија кон европското семејство покажува ставот на Брисел кој е непроменлив – мора да ги средиме работите дома, да спроведеме реформи, да се европеизираат институциите. Силна борба ќе биде потребна против корупцијата и организираниот криминал, ќе треба да се работи на владеење на правото и независно судство.
Ако се спроведе целосно реформската агенда, до 2027 година земјава ќе добие 750 милиони евра. Македонија во следните три години ќе треба да спроведе конкретни, закони и стратегии – а меѓу областите се и судство, борба против корупција, човечки капитал, администрација, дигитализација, зелена енергија…
