Гинекологот Владко Грозданов, е натпартискиот кандидат за градоначалник на Кочани, што ќе го поддржи Вмро-Дпмне на престојните локални избори. Д-р Грозданов, е човекот кој ќе ги обедини граѓанитете на Кочани и ќе донесе нова надеж во градот, сметаат во владеачката партија. Од Вмро-Дпмне порачаа дека со ваквата одлука испраќат јасна порка дека интересот на граѓаните е над партиските разлики.. Доктор Грозданов има над 20години работно искуство, поитуван е како голем професионалец и посветен лекар кој неодамна се врати во Општата болница во Кочани. Претходно тој работеше во приватна болница во Скопје. Грозданов ја дели судбината со многу свои сограѓани по кобниот пожар во дискотеката Пулс. Тој е татко на дете, кое беше сериозно повредено во трагедијата во Пулс. Позната му е болката со која се соочуваат родителите и траумата на граѓаните на Кочани, така што решавањето на нивните проблеми и потреби ќе бидат негов приоритет.
„ За Општина Кочани, ќе се обединиме околу натпартискиот кандидат д-р Владко Грозданов. На овие избори ќе настапиме подготвено како никогаш досега……. Сите кандидати на Вмро-Дпмне се посветени личности, подготвени да ги застапуваат интересите на секој жител во секое населено место. Тие се луѓе кои имаат енергија и решителност да работат за подобро утре на граѓаните„ изјави вчера Мариј Митева, член на Извршниот комитет на Вмро-Дпмне.
Освен Грозданов, во трката за прв човек на Кочани, ќе трчаат уште двајца неависни кандидати. Актуелниот в.д градоначалник Венко Крстевски и економистот и граѓански активист Зоран Тодоров, кој е основач на неколку организации и здруженија, а во моментот раководи со Центарот за солидарност „Сакам живот во Кочани„. По поднесувањето на кандидатурата на социјалните мрежи Тодоров, напиша дека го гледа Кочани, не како спомен што избледува, туку како иднина што мораме заедно да ја изградиме-чекор по чекор, човек по човек.
СДСМ во Кочани, се уште го нема соопштено името на својот кандидат за градоначалник со кој ќе настапат на 19 октомври.
