Предлог Извршен директор на М-НАВ сепак не е Илир Мехмеди туку Хекуран Хасани, соопшти Владата. Надлежните се премислија и експресно го повлекоа предлогот Мехмеди да биде директор откако во јавноста се појавија дилеми, дали тој воопшто има соодветни лиценци за оваа позиција.
Владата донесе одлука Фахрудин Хамиди и Љубе Стаменковски да бидат разрешени од директорските позиции во Македонската навигација
На местото на Хамиди требаше да седне Мехмеди, за на крај Владата да го предложи Асани. На местото на Љубе Стаменковски, доаѓа Милан Кораќ, кој беше оперативен техничар во М-НАВ.
На денешната седница не било предложено разрешување на членот на Управниот одбор и директор на М-НАВ, Хасим Деари. Објаснувањето е дека „Деари бил неодамна назначен на оваа позиција и дека не бил дел од проблемот во М-НАВ“.Предлог разрешувањата следат откако во четвртокот, група од осуммина, предводена од советникот од редовите на ДУИ, Беким Незири упадна во контролната кула. Сепак, Владата не закажа вонредна седница веднаш, реши да се одмори за Божиќните празници, па на редовна седница одлучуваше по ова прашање, откако премиерот се консултирал со министерката за одбрана и министерот за транспорт и врски под чие министерство е Македонската навигација.
Од Синдикатот на Контролори за летање кои се заканија со затворање на македонското небо, соопштија дека штрајкот го ставаат во мирување.За сега го ставаме штрајкот во мирување, но чекаме што ќе одлучи и како ќе постапи Надзорниот одбор. Ако има позитивна реализација на препораката од Владата, ќе ја повлечеме одлуката за штрајк – вели Александар Тасевски, претседател на Струков синдикат на Контролори на летање.
Тие денеска се сретнаа со претседателот Стево Пендаровски, кој ги поддржа заложбите на синдикатот за одржување на професионалното ниво во функционирањето на М-НАВ, која што е дел од критичната инфраструктура во државата.Во меѓувреме, институцијата ја тресе финансиската полиција, која го истражува досегашното работење на М-НАВ, во делот на финансиите и јавните набавки.
