Ограничување на маржите на основите прехранбени производи, бебешката храна и средствата за хигиeна. Владата наложи над 100 групи на производи во трговијата на мало и големо да да се продаваат со маржа до 10 отсто до 30ти април, а мерката ќе стапи во сила со денот на донесување одлука од страна на Министерството на економија
Ова доаѓа по анализата од пазарниот инспекторат за изминатите шест месеци наназад каде се констатирало дека имало огромни маржи кај трговците на мало, увозниците, дистрибутерите. Контролите и инспекциите продолжуваат и во следниот период.
„Одлука за ограничување на маржата за 10 % во трговија на мало и големо на истите 73 групи на производи кои беа дел од претходните кошници, но и да се дополни со средства за хигиена, и бебешка храна и други непрехрамбени производи каде е забележана висока маржа. Очекуваме да има над 100 групи на производи.“
Владата донесе и препорака за транспарентно објавување на цените од страна на маркетите, како и нивно ажурирање на дневна основа. Оваа ,мерка претходно ја најави премиерот, а целта е граѓаните претходно да можат да одлучат каде да пазарат.
Ваквата одлука од Владата доаѓа откако трговците еномрно ги покачуваа цените, по што граѓаните и на два пати бојкотираа маркети. Првиот пат продажбата падна за скоро 50 отсто, а вториот за 22
Во иднина дополнително ќе се одлучува дали ќе се носат велигденска и рамазанска кошничка поради тоа што периодот до кој трае мерката ги опфаќа празниците.
На денешната седница било одлучено да за финансиска поддршка за ранливите категории, односно за нив ќе има намалување на сметките за струја за 1000 денари во период од една година.
