Плаќање без рампи и чекање. Владата планира да користи дигитализација и на патиштата. Се најавуваат законски измени за електронска наплата на патарините без физичко запирање, при што таксата би се пресметувала според изминатите километри. На овој начин ќе се овозможи, брз транспорт на стока, побрз превоз на патници, но и пофер наплата..Како пример за неправедноста на сегашниот систем, вицепремиерот и министер за транспорт, Николоски ја посочи патарината кај Смоквица. Возач кој тргнува од Демир Капија кон Гевгелија плаќа 100 денари, исто колку и оној што доаѓа од Скопје, иако поминува значително подолга делница.
„Секој граѓаниин има транскациска сметка, секој кој што има возило, мора да има кредитна картичка, тоа се работи веќе кои што ги има во постојната законска регулатива и би можеле на тој начин да ги примениме овие технологии и нашата идеја е да се наплаќа по километар, што ќе е многу поправедно од ова што се случува сега“, изјави Николоски.
Македонија би била пионер во воведување на овој систем. Во меѓувреме Хрватска прави обиди за дигитален начин на наплата на патарини, а сличен систем ќе се тестира и на обиколницата околу Белград во Србија. Според најавите од министерот Николоски, законското решение ќе се изработува со домашни и експерти од Европската транспортна заедница.
„Во однос на електронска наплата или она што би се рекло автопати без физички патарини, сме во доста напредна фаза на изработка на законски измени кои што ова ќе го овозможат. Затоа ни е потребно искусво од понапредни европски држави и затоа сметав дека е корисно да го поканам, да ја презентираме нашата идеја и да поканам нинвни експерти од „Европската транспортна заедница“ кои со нашите експерти ќе работат на овој закон и се надевам дека во еден пристоен временски рок, а тоа е во тек на месец декември ќе можеме да го презентираме зкаонот во јавност, секако и во Влада и во Собрание“, дополни Николоски.
Планот е новиот модел најпрво да се примени на автопатот Кичево – Охрид, за кој Николоски очекува целосно да биде пуштен во употреба во мај. Таму с еработи со полна пареа и во следните неколку недели треба да биде пуштен и најтешкиот дел од трасата, на кој се изградени четири галерии, мостови, вијадукти и најдолгите тунели.

