Македонија заслужува европска иднина, заснована на принципиелни односи, нагласи премиерот Христијан Мицкоски од Брисел, каде учествуваше на Форумот за проширување на Европската Унија.
Мицкоски, кој во седиштето на Унијата имаше многу важни средби со високи европски претставници, нагласи дека промените што го засегаат националниот идентитет не смеат да бидат услов за европска интеграција, бидејќи тоа го доведува во прашање кредибилитетот на самиот процес на проширување.
Мицкоски порача дека македонската влада продолжува со посветена работа, исполнување на реформската агенда, одговорна политика и јасна визија за европска, стабилна и просперитетна Македонија.

