На Владата и дојде преку глава од републичкиот јавен обвинител Љупчо Коцевски. Таа го задолжи министерството за правда да преземе активности и веднаш да ја почне постапката за негово разрешување, која треба да заврши со гласање во Собранието. Според владата, причината за поведувањето на постапката за разрешување е нејзиното разочарување од неговите постапки, кои биле надвор од своите надлежности, надвор од законот, но и разочарувањето на граѓаните од нефукционирањето на системот, нефукнционирањето на правната држава или воопшто нарушената доверба во обвинителството.
Според Митева, чашата ја прелеа последниот извештај на „Транспаренси интернашонал„, кој покажа пад од два индексни поени на земјава во однос на минатата година, рангирајќи ја македонија на 88-та позиција од вкупно 180 држави, за сега да се најде во друштво со Казахстан, Суринам и Виетнам. Во извештајот дури 4 точки се однесуваат на скандалите во судско-обвинителскиот систем и неговоро нефукционирање. Тука е и неговата одлука да ја назначи Наташа Крстевска Цалева за прв човек на скопското вишо јавно обвинителство, одлука која според владата е незаконска.
Инаку, во Законот за јавното обвинителство е точно пропишана процедурата за тоа како се разрешува јавен обвнител. Тој може да биде разрешен од функцијата пред истекот на шестгодишниот мандат поради незаконито, ненавремено или недоволно стручно вршење на функцијата, ако со своето однесување и дејствување покажува дека не е способен за извршување на функцијата, ако не поднесува барање за покренување на кривична постапка за случаи предвидени со закон и ако го нарушува угледот на функцијата. Предлогот на владата, преку министерството за правда оди до Советот на јавните обвнители кое го разгледува барањето и треба во рок од 15 дена да даде свое мислење.
На таа седница Коцевски не треба да присуствува бидејќи е член по функција. Според истиот закон, избирањето и разрешувањето на републичкиот обвинител се врши од страна на Собранието. За да се избере или разреши обвинител потребно е да гласаат 61 пратеник “за”. За избор на нов обвинител пак, Владата го предлага кандидатот за кој што Советот на јавни обвинители треба да даде позитивно мислење. Барањето за разрешување на Коцевски доаѓа паралелно со барањето за интерепелација на пет члена на Судскиот совет во Собранието, кое е дел од напорите на власта за конечно средување на состојбата во правосудството.
Давид Крстевски
