– Викимедија МКД огранокот на Фондацијата Викимедија која ја развива најголемата интернет енциклопедија во светот – Википедија на македонски јазик денеска од 13 часот во Скопје организира јубилеј десет години од постоење на Вики клубовите. Овој вид на здружување, Вики клубовите се значаен сегмент од движењето на Викимедија, односно создавањето бесплатно знаење достапно за сите преку најголемата енциклопедија во светот – Википедија.
Во Музејот на македонската борба за самостојност во Скопје ќе има обраќање на извршниот директор на Викимедија МКД, Снежана Штрковска, како и координатори на клубовите кои ќе елаборираат за нивната улога како и успесите кои се постигнати и важноста на младите при создавањето на слободното знаење, најавуваат од Викимедија МКД.
Првиот клуб Викимедија МКД е отворен во 2016 година во Музејот на македонската борба во Скопје. За една деценија, бројот на клубови се зголеми и ги има во Куманово, Штип, Велес, Охрид, Радовиш, Демир Хисар. Во плановите за развој предвидено е да се отворат и во останати места каде се уште нема основано таков клуб.
