(ВИДЕО) Тензично изутрината пред ОУ „Тодор Јанев“,родителите велат дека полицијата кренала рака на народот

Тензично изутрината пред училиштето “Тодор Јанев” во Чашка. Второто полугодие почна повторно без учебници, ама тоа не е најголемиот проблем, барем не во ова училиште. Родителите продолжија со протестите пред училиштето и бараат оставка од директорката Елена Николова, додека од министрството се децидни дека албанската паралелка мора да продолжи до крајот на годината, а потоа ќе ги разгледувале опциите за трајно решение. Ситуацијата беше на раб на ескалација изутрината. Родителите обвинуваат дека засиленото присуство на полицијата е тенденциозно, не за да го обезбеди протестот туку за да се пресмета со нив.