Членови на здружението „Акцијаш ветерани“ денеска кај Спомен костурницата од НОВ кај Велес засадија 64 млади садници заедно со претставници на Општина Велес, Општинскиот Црвен крст и средношколци од Гимназијата „Кочо Рацин“ и Државното средно училиште РЦСО „Коле Неделковски“, во спомен на 64 загинати во трагичниот настан во дискотеката во Кочани.
Здружението до крајот ќе оствари и друга волонтерска акција, наводнување на сите 150 млади садници во комплексот Спомен костурница од НОВ кај Велес, што ги засадија од почетокот на годинава.
