Меѓупоштинското разменување искуствата, знаења и добри практики при слекцијата и управувањето со отадот како една од клучните обврски на нашиот пат кон ЕУ, останува високо на агендата на македонските општини. Претставници од четири општини: Струмица, Илинден, Гази Баба и Ѓорче Петров, беа во Студиска посета на Прилеп и ЈКП „Комуналец“, посветена на добрите практики за управување со отпад на локално ниво и воспоставување систем за примарна селекција на отпадот, а во што Општина Прилеп, веќе 15 години ја има лидерската позиција. Општина Прилеп и комуналното претпријатие располагаат со Собирен центар за електричен и електронски отпад, за текстил и за стакло, а доделени се и 9 специјални возила за отпад, како и голем број садови за селектирање на отпад за домаќинствата, но и јавни контејнери.
„Во завршна фаза е и Фабриката за селекција на отпад која ќе биде единствена во овој регион. Се прави проектна документација за Компостарата, а во завршна фаза е и поставувањето на полуподземни контејнери – 52 контејнери на 21 локација и со тоа ќе се зголеми и подобри селекцијата на отпадот“, – изјави Љубиша Јованоски, директор на ЈКП „Комуналец“, Прилеп.
„Истражувањето покажува дека 49% од граѓаните во Прилеп вршат примарна селекција, а тоа не’ прави лидери во Македонија, дури и неприкосновени во овој момент, согласно показателите дека општините имаат уште многу за работа за да стигнат до нашите резултати. Но, не ни е императив да бидеме први, туку можеби следните години да станеме и Општината во која што 100% од населението ќе го предузвика да селектира отпад. Трендот е добар, но секогаш може подобро и поуспешно“, – потенцираше Дејан Проданоски, градоначалник на Прилеп.
За разлика од општина Прилеп, поголемиот дел од општините, за жал, се’ уште се во почетна фаза со решенијата за оваа проблематика. Велат дека прилепските практики и искуства можат да им бидат од огромна полза.
Инаку, овие средби се исклучително важни како подготвителен период и за функционалноста на идните современи регионални депонии во државава кои се во изградба.
