Само со оптимизирање на училишната мрежа, ќе се подобри квалитетот на образованието. Според анализите на УНИЦЕФ, од вкупниот број на ученици 88% учат во 353 централни училишта, а само 12% учат дури во 518 подрачни училишта. Тоа значи дека дел од учениците се изолирани и немаат можност за добивање на квалитетно образование и социјализација. Затоа е потребно оптимизираност, освен учениците корист ќе имаат и општините.
„На овој начин ќе се искористат овие простори, а и ќе се намалат режиските трошоци, кои сега навистина сметаме дека се пшреголеми, во преголем обем, а со носење на учениците во централните училишта ќе придонесат за намалување на тие трошоци„ изјави министерката за образование, Весна Јаневска.
Со процесот се опфатени 23 општини, а Штип е меѓу првите со вакво искуство.
„Таков пример е училиштето во Ново Село. Просториите каде се одвиваше наставата, поради намалениот број на интерес и број на ученици се преадаптираше во простории за целодневен престој„ изјави градоначалникот на Штип, Иван Јорданов.
„Сакаме да им обезбедиме најдобар квалитет на образование на децата. Во некој има премалку, а во други училишта има премногу деца. Сакаме тоа да се регулира на правилен начин и да овозможиме една поволна средина за сите ученици подеднакво„ изјави преставничката на Уницеф, Лесли Милер.
Што се однесува до зимскиот распуст, тој почнува од 1 јауари, а до крајот на годината вработените во образованието ќе го добијат регресот за годишен одмор.
Александра Ристевска
