Украина ноќеска со беспилотни летала нападнала нафтени и енергетски постројки во Западна Русија, објавија руските власти.
„Урнатините од уништената зграда предизвикале пожар во индустриски погон во градот Кстово“, напиша на Телеграм Глеб Никитин, гувернер на Нижегорската област, која се наоѓа источнио од Москва.
„Според прелиминарните податоци, нема жртви“, додаде Никитин, без да даде дополнителни детали.
Според „База“ – информативен канал на Телеграм блискo до руските безбедносни служби, во Кстово гори рафинерија за нафта.
„Цивилните објекти во различни области на регионот Смоленск се под масовен напад со беспилотни летала“, напиша на Телеграм гувернерот на регионот, Василиј Анохин.
„Едно од беспилотните летала е соборено при обид за напад на нуклеарен објект“, додаде Анохин. Според него, нема жртви или материјална штета.
Соборени се 26 беспилотни летала над областа Брјанск, која граничи со Украина, а властите во областа Твер известија дека таму биле пресретнати 20 украински беспилотни летала. Нема информации за повредени или материјална штета.
Руската агенција за воздушен транспорт соопшти дека ги суспендира сите летови на аеродромот во градот Казан, главен град на Република Татарстан. Градот се наоѓа на околу 830 километри источнио од Москва.
