Грчката полиција го уапси Ацо Боцевски викан Циганот, по 27 годишно бегство. Осуден е на 15 години затвор за убиство извршено во ноември 1997 година.
Уапсен е во грчкиот град Катерини, јавува грчката новинска агенција АНА-МПА.
Против него беше распишана европска потерница, а по убиството се претпоставува дека со години се криел во Бугарија и Турција.
-Боцевски кој сега треба да има околу 60 години најверојатно не може да се препознае од сликата објавена на страницата на МВР во делот на потраги по бегалци од лицето на правдата. Според судските документи од Македонија, во 1997 година предизвикал сообраќајна несреќа, по што, кога жртвата излегла од возилото, ја нападнал со оружје и ја усмртил. Жртвата била 37-годишен македонски државјанин.
За убиството, Боцевски бил осуден во 1998 година, но избегал пред да започне издржувањето на казната. По неговото апсење во Катерини, тој ќе биде изведен пред обвинител во Солун, каде што ќе започне процедурата за негова екстрадиција назад во Македонија.
