На денешната седница Владата донесе одлука со која се направи пренамена во програмата за финансиска поддршка во земјоделството за 2024 година, со што се обезбедуваат преку Министерството за земјоделство, шумарство и водостопанство 600 милиони денари за дополнителни директни плаќања за земјоделците за растително и сточарско производство кои до сега биле неисплатени.
На денешната седница се донесоа и одлуки за именување на нови кадри. Васе Анакиев се именува за в.д. директор на државниот инспекторатот за земјоделство. Весела Честоева, за в.д. директор на Управата за заштита на културното наследство.
За в.д. директор на Агенцијата за катастар на недвижности, се именува Иван Живковски.
Данијел Апостолоски се избира за управител на Друштво за изградба, управување и издавање на повеќенаменска сала Борис Трајковски ДООЕЛ Скопје.
Амет Зибери се именува за в.д. заменик на директорот на Агенцијата за катастар на недвижности.
Даут Мемеши се именува за в.д. директор на Бирото за регионален развој. Рефик Џемаили се именува за в.д. директор на Агенција за странски инвестиции и промоција на извозот на Македонија. Александар Донев се именува за в.д. директор на Управа за сигурност во железничкиот систем. Диме Ратајкоски, на предлог на министерот за култура се именува за директор на Културно-информативен центар на Македонија во Истанбул.
Мими Ѓоргоска Илиевска, е новиот директор на ист таков Културен центар во Загреб.
На чело на центарот во Белград е Васко Шутаров.
На седницата владата разреши и 15 национални координатори во различни области, како и заменици.
Исто така се донесе одлука со која Министерството за транспорт и врски согласно програмата за капитални инвестиции става на располагање 6 милиони денари на општината Ѓорче Петров за изградба и реконструкција на патна инфраструктура.
