Новоизбраниот американски претседател Доналд Трамп го започнува процесот на избор на членови на неговата администрација за вториот мандат во Белата куќа.
За време на претседателската кампања, Трамп избегнуваше директно да потврди какви било назначувања во неговата администрација, но честопати навестуваше кој би можел да биде дел од неговиот близок круг.
Изборот на Трамп за позициите во Владата, пошироката администрација и советодавните улоги се очекува да бидат објавени во наредните денови и недели додека неговиот транзициски тим се подготвува за републиканското враќање во Белата куќа во јануари.
Се споменуваат неколку имиња кои би биле можен избор на Трамп за негови соработници. Меѓу нив технолошкиот милијардер Илон Маск, двајцата синови на Трамп кои беа истакнати во кампањата Дон Џуниор и Ерик, поранешниот директор и државен секретар на ЦИА, Мајк Помпео, човекот од доверба на Трамп, Ричард Гренел, како и сенаторот од Флорида, Марко Рубио.
