Се засилува динамиката на градење во Македонија за завршување на крупните инфраструктурни проекти делот на патната инфраструктура. Директорот на јавното претпријатие за државни патишта вели дека се работи интензивно и дење и ноќе и за прв пат во Македонија се асвалтира и во зимски услови што ги забрзува активностите.
До Нова Година се очекува да биде пуштен во употреба патот Градско – Фариш кој бил запрен поради лошиот менаџмент на минатото раководство. Надминати биле проблемите и на потегот од Страцин до Глобочица кој се очекува да биде пуштен во употреба до јануари. На потегот Кичево Охрид се работи на санирање на проблемите со косините кои биле оставени на забот на времето и се анализира кои методи да се применат. Паралелно се динамизира и процесот со Бехтел и Енка каде конечно се отворил форнт за работа со решавање на голем дел од експропријацијата.
За експертската јавност е многу важно по години заостанување Македонија конечно да почне да фаќа чекор со европските методи на равбота. Тоа во моментов се случува и според најавите ќе продолжи засиолено да се спроведува. Според експертите треба да се воведат и новитети во образованието, а да се работи и на поефикасно проектирање и исполнување на испроектираното
Инаку владата има богата инфраструктурна програма. Освен главните сообраќајни правци, интензивно се градат и локални патишта и обиколници околу населени места. Што се однесува до состојбата во Јавното претирпијате во државните патишта состојбата се консолидира, од огромната наследена финансисика дупка односно над една милијарда сега е разликата меѓу долговите и побарувањата е околу 100 милиони денари.
