Безбедноста е темел на стабилна држава. Во услови на нови глобални закани, Македонија мора да биде активен учесник во меѓународниот дијалог. Нашата улога во НАТО, регионалната стабилност и борбата против транснационалниот организиран криминал се клучни не само за нас, туку и за европскиот безбедносен систем, порача од Минхен министерот за внатрешни работи Панче Тошковски. Тој е дел од владината делегација предводена од премиерот Христијан Мицкоски на Минхенската безбедносна конференција – најзначајниот глобален форум за безбедносни прашања.
Според Тошковски, присуството на делегацијата во Германија, покажува дека Македонија не е само набљудувач, туку активен учесник, држава со визија и јасни позиции, држава која се бори за заслуженото место во Европа, за стабилност, безбедност и просперитет.
