Авион на Американ ерлајнс, со 60 патници и четвоица членови на екипажот се судри со воен хеликоптер Блек Хок во кој се наоѓале тројца војници додека се обидувал да слета на Националниот аеродром Роналд Реган во Вашингтон. Двете летала по судирот паднеле во реката Потомак, додека по ударот авионот се преполовил на два дела. Несреќата се случила околу 21 часот по локално америчко време.
Според објавите на тамошните медиуми дознаваме дека можноста за преживеани патници е мала поради временските услови влчително ниската температурата на водата на реката во која паднал авионот.
„Водата во која пребаруваме е околу 8 метри длабока. Има ветер, има парчиња мраз, така што едноставо е опасно и тешко оди потрегата. И бидејќи видливоста е мала таму, го пребаруваме секој милиметар. Нуркачите го прават истото во водата. Водата е темна, матна и тоа за нив е исто така се тешки околности“ изјави Џон Алив, Командант на протипожарна бригада на областа Колумбија.
Во врска со несреќата се изјасни и Американскиот претседател Доналд Трамп според кого до несреќата немало да дојде доколку било правилно постапено од страна на службите кои биле задолжени за контрола на летовите.
„Зошто контролната кула не му кажала на хеликоптерот што да прави наместо да прашува дали го виделе авионот? Ова е лоша ситуација која изгледа дека требало да се спречи. Не е добро“, напиша Трамп на социјалните медиуми.
Причините за несреќата допрва треба да се утврдуваат, а од витално значење е пронаоѓањето на црната кутија. Фаталните несреќи со комерцијални авиони во САД станаа реткост. Последната се случила 2009 година во близина на Бафало, во сојузната држава Њујорк. Тогаш загинале сите 45 патници и четворица членови на екипажот.
